منو مثلي ….الثلج أمّنه ابچف الصيف…؟؟؟
وگله ايدير باله اتلوحه الحروره….!!!
ومنو مثلي اعله نيته شلون طير الهور…
إجّه ابلهفة وحنين …وما حضّه ابهوره..؟؟؟
ومنو مثلي سكت…شاف الزرع مبيوگ….
ودره البوگات كلهه ابّيت ناطوره….
ولو روحي ابنفسهه ….أتريد كلشي اتگول…
أعضّ شفتي واگول ( الگاع محضوره)….
على بختج يروحي مالي حيل الروج……
وشراعي تعب والدفّه مكسوره…
ولا ساحل بقه …وأدري الصخر ميطوف…
حتى اتعب وادوّر ….صخرة مشموره….
وعتبنه اعله الصبر….يا روحي مو عالعين…
إذا ما ايصير سدّ….الدمعه معذوره…!!!
