3 - الصفحة الثقافية عام

“خليتني بديرة غرب”.. للكبير عريان السيد خلف

“خليتني بديرة غرب”.. للكبير عريان السيد خلف

خليتني بديرت غرب مالوم والمدمع يكت
يالرسمك بعيني انطبع راحت عيوني ومارحت
ساكيتك بدمع الجفن يادمع هلبت غزرت
بذات يالماصخ لبن حتى بودادك زاغلت
لاطيف يالطيفك فرح لاتنشد انته ولاكلت
جيتك ولو شفتك قهر والغير شوفك ماردت.

ضايع ولا اكولن ضعت
ضميت كل حركه جفه ومنك هواي تحملت
وذوب شحم كلبي الهوه وخوب انته بعيونك شفت
ناحل ولا اكول انحلت
يالساكن بوسط الكلب ومعاتت الجاهل تعت
يالتوبتني من الهوه وللساع منك ماتبت

ضايع ولا اكولن ضعت
يحرك بكلبي معاتبك وصدوع كثره تصدعت
مثل المزوهر لو طفح من كثر صبري تزوهرت
ها باجر يبين خبر ! ها باجر يدور الوكت !
ابداً ولا منك ذجر وسنين مره تنطرت
ابداً ولا مثل الخلك مريت مره وسلمت
ضايع ولا اكولن ضعت ناحل ولا اكول انحلت
يالتوبتني من الهوه وللساع منك ماتبت ……
لا تشتمت.

اترك ردا